Բացահայտվել է Բելգիայի օդային հաղորդակցությունում տեխնիկական խափանման պատճառը

Բելգիայի օդային երթևեկության կառավարման համակարգում տեխնիկական խափանումն առաջացել է Օդային երթևեկության անվտանգության կառավարման կենտրոնի (Canac) գլխավոր ռադարի խափանումից։ Այս մասին հայտնում է Soir հրատարակությունը։

Հրատարակության տվյալներով՝ խնդիրը կապված է Canac ռադարի խափանման հետ։ Պնդվում է, որ այն կոտրվել է։ Արդյունքում ոչ մի ինքնաթիռ չկարողացավ վայրէջք կամ թռիչք կատարել Զավենտեմի, Անտվերպենի, Օստենդի, Շառլերուայի և Լիեժի օդանավակայաններում։

Հունվարի 30-ին Բելգիայի քաղաքացիական ավիացիայի վարչությունը ժամանակավորապես փակել է ազգային օդային տարածքը՝ թռիչքների կառավարման համակարգում լուրջ տեխնիկական խափանման պատճառով։ Belga լրատվական գործակալության փոխանցմամբ՝ խափանումը ազդել է բելգիական օդային երթևեկության վերահսկման ծառայություններ մատուցող Skeyes ընկերության գործունեության վրա, ինչը հանգեցրել է օդային հաղորդակցության ամբողջական դադարեցմանը։ Բելգիայի օդային տարածքում գտնվող բոլոր ինքնաթիռները շեղվել են դեպի հարևան երկրներ։