5 բնական ու արդյունավետ միջոց՝ գլխացավն առանց դեղամիջոցների բուժելու համար
Գլխացավերի դեպքում մարդիկ սովորաբար ցավազրկող միջոցներ են ընդունում, որոնք չարաշահելը, սակայն, կարող է անդառնալի վնաս հասցնել օրգանիզմին:
Գլխացավը կարող է շատ հոգնեցնող լինել՝ հատկապես, եթե այն առաջանում է առանց որևէ պատճառի: Այս դեպքում խնդիրը լուծելու ամենաարագ ու պարզ միջոցը դեղամիջոցներն են, սակայն դրանք ոչ մի դեպքում չի կարելի չարաշահել: Բացի այդ, գոյություն ունեն նաև բնական միջոցներ, որոնք կօգնեն հաղթահարել գլխացավը: Ձեր ուշադրությանն ենք ներկայացնում այդ միջոցներից մի քանիսը, հայտնում է Tert.am-ը։
Ինչպես ազատվել գլխացավից
Հասարակ անանուխի եթերայուղը հիանալի միջոց է գլխացավից ազատվելու համար: Այն կարգավորում է արյան շրջանառությունը և նպաստում արյան հոսքին:
Ջրազրկումը նույնպես կարող է դառնալ գլխացավի պատճառ, ուստի երբեմն գլխացավից ազատվելու համար բավական է լինում մի բաժակ հասարակ ջուր խմել:
Գլխացավը մեղմելու համար շատ արդյունավետ միջոց է նաև երիցուկը, որը կօգնի ազատվել նույնիսկ մշտական միգրեններից:
Ձկան յուղը պարունակում է մեծ քանակությամբ օմեգա-3 ճարպաթթուներ, որոնք օգնում են ազատվել գլացավեր առաջացնող բորբոքումներից:
Կոճապղպեղն օգնում է ազատվել ոչ միայն գլխացավերից, այլև սրտխառնոցից, որը կարող է կապված լինել միգրենի հետ:
Հարկ է հիշել, որ ցավազրկող դեղամիջոցները ոչ մի դեպքում չի կարելի չարաշահել, քանի որ դրանք միայն առաջին հայացքից են բուժում, իսկ իրականում խիստ վնասակար են առողջության համար:
