Եվրոգոտու ռեցեսիան «ավելի ու ավելի անխուսափելի է թվում». S&P Global Market Intelligence

Գերմանիան՝ ԵՄ առաջատար տնտեսությունը եւ Եվրոպայի արտահանման կենտրոնը, կարծես թե մոտենում է անխուսափելի ռեցեսիայի, հայտնում է AFP-ն։

S&P Global Market Intelligence-ը հայտնել է, որ «եվրոգոտու խոշորագույն տնտեսությունում մոտալուտ ռեցեսիայի նշանները աճում են»՝ հրապարակելով հոկտեմբերին եվրոգոտու գնումների մենեջերների ինդեքսը:

19 երկրների PMI ինդեքսը մեկ ամիս առաջ ընկել է մինչեւ 47,1՝ մեկ ամիս առաջ 48,1-ի համեմատ՝ սա չորրորդ անընդմեջ անկումն է եւ ամենաարագ նվազումը գրեթե երկու տարվա ընթացքում՝ էլ ավելի բարձր գնաճի եւ էներգակիրների բարձր գների պայմաններում: Գերմանիայում PMI-ն սեպտեմբերի 45,7-ից իջել է մինչեւ 44,1: 50-ից ցածր ցուցանիշը վկայում է տնտեսական անկման մասին:

Գերմանիայի ցուցանիշը ամենացածրն էր երկրի ձեռնարկությունների աշխատանքի սկզբնական դադարեցումից հետո, երբ սկսվեց Covid-19 համավարակը: Հետազոտությունը վկայում է, որ ինչպես արտադրությունը, այնպես էլ ծառայությունները Գերմանիայում ցույց են տալիս կրճատման արագացված տեմպեր, սակայն դա դեռ չի հանգեցրել աշխատատեղերի կրճատման:

Գերմանական ձեռնարկությունները «խորապես հոռետեսորեն են տրամադրված» գալիք տարվա հեռանկարների հանդեպ:

Ֆրանսիայում, որը ԵՄ-ում երկրորդ ամենամեծ տնտեսությունն է, տնտեսությունը լճացել է՝ PMI-ն կազմել է 50՝՝ սեպտեմբերի 51,2-ի համեմատ: Թեեւ Ֆրանսիան ավելի քիչ է տուժում գնաճից, քան մյուս եվրոպական երկրները, գների աճը շարունակում է ճնշում գործադրել սպառողների վրա՝ հանգեցնելով գործարանների պատվերների կտրուկ նվազմանը:

Եվրոգոտու ամբողջ տարածքում PMI-ն ցույց է տվել, որ գործարանային արտադրությունը հինգերորդ ամիսն անընդմեջ նվազում է ծանր համաճարակից ի վեր չտեսնված տեմպերով:

Պահանջարկի անկման ֆոնին մի փոքր թուլացել են մատակարարման գերբեռնվածությունը եւ դեֆիցիտը: Թեեւ ռեսուրսների պահանջարկը կտրուկ նվազել է, էներգիայի ծախսերի աճը եւ աշխատավարձի վրա ճնշումը բարձր են պահել ծախսերը:

Ըստ S&P Global Market Intelligence-ի գլխավոր տնտեսագետ Քրիս Ուիլյամսոնի՝ եվրոգոտում ռեցեսիան «ավելի անխուսափելի է թվում»: «Տարածաշրջանում էներգետիկ ճգնաժամը շարունակում է մնալ հիմնական մարտահրավեր եւ ձգձգում է ակտիվությունը, հատկապես էներգատար ոլորտներում»:

PMI-ի տվյալները հրապարակվել են Եվրոպական կենտրոնական բանկի խորհրդի նիստից առաջ, որն, ինչպես ակնկալվում է, որոշում կկայացնի տոկոսադրույքի զգալի կրճատման մասին՝ փորձելով նվազեցնել գնաճը:

Եվրոգոտու 19 երկրներում գնաճը սեպտեմբերին հասել է գրեթե 10 տոկոսի, ինչը հինգ անգամ գերազանցում է ԵԿԲ-ի երկու տոկոս թիրախը:

Կանխատեսվում է, որ գերմանական տնտեսությունը, որի էներգատար արդյունաբերությունը մեծապես կախված էր ռուսական գազից մինչ պատերազմը, որ 2023 թվականին կկրճատվի 0,4 տոկոսով:

Ավելի բարձր տոկոսադրույքները սովորաբար նշանակում են բիզնեսի ակտիվության նվազում, քանի որ վարկը թանկանում է, իսկ սպառողական ծախսերը կրճատվում են:

ԵՄ-ն ամբողջ ուժով պայքարում է էներգակիրների գների իջեցման ուղիներ գտնելու համար:

Արժույթի միջազգային հիմնադրամը հայտարարել է, որ Եվրոպայի որոշ հատվածներում անկումը կարող է վերածվել «ավելի խորը ռեցեսիայի» ամբողջ մայրցամաքում: Էներգիայի գների եւ գնաճի դեմ պայքարում կառավարության աջակցությունը «միայն մասամբ» է փոխհատուցում այդ խնդիրները»,- ասել է նա:

ԱՄՀ-ն արդեն կանխատեսել է, որ հաջորդ տարի Գերմանիան ու Իտալիան ռեցեսիայի մեջ կգլորվեն:

Նյութի աղբյուրը՝  NEWS.am