Վրաստանի հարավում գյուղի բնակիչները բողոքում են օձերի ներխուժումից

Վրաստանի Նինոծմինդայի շրջանի Սամեբա գյուղում օձերի ներխուժման պատճառով ստիպված են եղել Թբիլիսիից մասնագետներ կանչել։ Այս մասին հայտնում է «Ռուսթավի 2-ը»։ Հեռուստաալիքի տվյալներով՝ ամենատագնապալի իրավիճակը ստեղծվել է գյուղական դպրոցում․ լճի մոտակայքում գտնվող հին քարե շենքը բառացիորեն վխտում է սողուններով։ Օձերով պայմանավորված վտանգավոր իրավիճակի պատճառով դպրոցը փակվել է։ Սամեբայում երեխաներն արդեն երկու շաբաթ է, ինչ հեռավար են սովորում։ Մասնագետները մի քանի օրվա ընթացքում պետք է շենքը մշակեն հատուկ քիմիական նյութերով, որից հետո, ինչպես ակնկալվում է, կվերսկսվեն պարապմունքները։