Գիտնականները ցանկանում են կատարելագործել ատոմային ժամացույցները՝ վայրկյանի տեւողությունը նորից չափելու համար

Ամերիկացի հետազոտողները մտադիր են կատարելագործել ատոմային ժամացույցների գոյություն ունեցող մոդելները, որպեսզի առավել հստակ չափեն վայրկյանի տեւողությունը: Այժմ գոյություն ունեցող մոդելներն աշխատում են՝ հաշվելով ցեզիումի իզոտոպի մասնիկների ռեզոնանսը: 60 տարվա ընթացքում այդ մեթոդն են կիրառում ժամանակի չափման համար, սակայն այն կարելի է կատարելագործել, գրում է Planet Today-ը:

Գիտնականներն առաջարկում են ատոմի տատանումները չափել՝ տեսանելի սպեկտրի ազդեցության տակ, ինչը թույլ կտա առավել ճշգրիտ չափել վայրկյանի տեւողությունը:

Խոսքը դեռեւս տեսական մշակումների մասին է, քանի որ կիրառման համար բազմաթիվ տեխնիկական հարցեր կան լուծելու:

Գիտնականները հույս ունեն, որ նման տեխնոլոգիա կկիրառվի, եւ դրա օգնությամբ հնարավոր կլինի արձանագրել հիպոտեթիկ երեւույթները, այդ թվում՝ Մեծ պայթյունից առաջացած գրավիտացիոն ալիքների հետքերը: