Բժիշկ Մյասնիկովն անվանել է մի գործոն, որը հաճախ սրտային խնդիրներ է առաջացնում

Բժիշկ և հեռուստահաղորդավար Ալեքսանդր Մյասնիկովը «Ռոսիա 1» ալիքի «Ամենակարևոր բանի մասին» հաղորդման եթերում անվանել է մի գործոն, որը հաճախ սրտային խնդիրներ է առաջացնում, գրել է «Լենտա»-ն։

Մյասնիկովն ասել է, որ արյան շաքարի բարձր մակարդակը, որը դեռ չի համարվում շաքարախտ, կարող է վտանգավոր լինել։ «Սա հզոր ռիսկային գործոն է սրտի հիվանդության զարգացման համար»,- զգուշացրել է բժիշկը։

Նրա խոսքով՝ այս դեպքում սրտի հետ կապված խնդիրների առաջացման հավանականությունը մեծանում է 25 տոկոսով։

Բժիշկը պարզաբանել է, որ արյան գլյուկոզայի 5,7 մակարդակը կարող է վտանգավոր համարվել անոթների և սրտի համար։ Եթե ​​շաքարը բարձրանում է 7-ի, ապա հիվանդին պետք է վերաբերվել այնպես, կարծես, նա արդեն սրտի իշեմիկ հիվանդություն ունի։

«Դուք պետք է ընդունեք բոլոր այն դեղերը, որոնք ընդունում է սրտային հիվանդը»,- խորհուրդ է տվել բժիշկը նման մարդկանց։