Ոստիկանությունը թքած ունի հացադուլ անող պատերազմի մասնակիցների առողջության վրա․ Արսեն Բաբայան
«Հայրենիք» կուսակցության անդամ Արսեն Բաբայանը ֆեյսբուքյան էջում գրել է․
«Ոստիկանությունը Ազատության հրապարակում հացադուլ անող 44-օրյա պատերազմի մասնակիցների առողջության վրա թքած ունի։
Սիրելի՛ հայրենակիցներ, առավոտյան, ինչպես գիտեք, Ազատության հրապարակ են եկել հացադուլ հայտարարած 44-օրյա պատերազմի մասնակից երիտասարդներ:
Ոտիկանության հետ բանակցում եմ, որպեսզի ընդամենը մեկ հովանոց տեղադրենք, որպեսզի տղաները կարողանան կեսօրից ուժեղ արևից պաշտպանվեն: Ցավոք՝ ոստիկանությունը համառորեն մերժում է նույնիսկ հաշվի չառնելով տղերքի առողջությունը:
Հովանոցը մենք կարող ենք տեղադրել օրենքի ուժով և ոստիկանությունը որևէ իրավունք չունի մերժելու մեր օրինական գործողությունները:
Մենք այսպիսի՞ ոստիկանություն ենք երազել»:
