Փաշինյանի հետ փակ քննարկմանը ոչ մի խոսք չի եղել Արցախի ու հավանական էսկալացիայի մասին

Ավեlի վաղ MediaHub-ը հայտնել էր, որ Կառավարության նիստից հետո Նիկոլ Փաշինյանը փակ հանդիպում է անցկացրել ուժային կառույցների  ղեկավարների հետ:

Բացի ՆԳ նախարար Վահե Ղազարյանից, ԱԱԾ տնօրեն Արմեն Աբազյանից, քննարկմանը հրավիրված են եղել նաև ԱԺ պաշտպանության հարցերի մշտական հանձնաժողովի նախագահ Անդրանիկ Քոչարյանն ու հանձնաժողովի անդամ Վիլեն Գաբրիելյանը։

MediaHub-ին հայտնի դարձավ, որ հանդիպումը եղել է աշխատանքային քննարկման շրջանակներում, որի  ժամանակ  Արցախի մասով որևէ  քննարկում չի ծավալվել։ Քննարկում չի եղել նաև հնարավոր էսկալացիայի մասին։

Ինչ խոսք, այս օրակարգից կարելի է և՛ զարմանալ, և՛, ցավոք, արդեն  սովորական համարել։

Լիաննա Թորոսյան