Պետությանը կվերադարձվի շուրջ 81.962.500 ՀՀ դրամ
Ապօրինի ծագում ունեցող գույքի բռնագանձման գործով առաջին վճիռը՝ պետությանը կվերադարձվի շուրջ 81.962.500 ՀՀ դրամի պատճառված վնասը:
Հակակոռուպցիոն դատարանի դատավոր Կարապետ Բադալյանի կայացրած վճռով՝ ապօրինի ծագում ունեցող գույքի բռնագանձման գործով հաստատվել է կողմերի միջև հաշտության համաձայնագիր, որի արդյունքում պատասխանող՝ ՀՖՖ «Տեխնիկական կենտրոն-ակադեմիա» ՓԲ ընկերության նախկին տնօրեն Արթուր Մանուկյանի կողմից, պետությանն է վերադարձվելու Երևան քաղաքի Ծարավ Աղբյուր փողոցին հարակից հողատարածքը, որի միջին շուկայական արժեքը կազմում է 81.962.500 ՀՀ դրամ:
