Եռօրյա հրադադարը աբսուրդ է, նախագահը ցանկանում է պերմանենտ, համապարփակ հրադադար․ ԱՄՆ բանագնաց
Ուկրաինայի հարցերով նախագահ Թրամփի հատուկ բանագնաց, թոշակառու գեներալ-լեյտենանտ Քիթ Քելոգը Ռուսաստանի՝ հրադադարի առաջարկը անվանել է «աբսուրդ» և ասել, որ ԱՄՆ-ն ցանկանում է ավելի երկարատև խաղաղության համաձայնագիր Ուկրաինայում։
«Եռօրյա հրադադարը աբսուրդ է, նախագահը ցանկանում է պերմանենտ, համապարփակ հրադադար՝ ծովային, օդային, ցամաքային, ենթակառուցվածքային՝ առնվազն 30 օրով, որից հետո մենք կարող ենք երկարաձգել այն», - ասել է Քելոգը երեքշաբթի օրը «Fox News»-ին տված հարցազրույցում։
«Նախագահը հենց դա է ուզում, և մենք ուզում ենք հասնել դրան»,- ընդգծել է դեսպանը։
Կրեմլը երկուշաբթի օրը հայտարարել էր, որ Պուտինը մայիսի 8-ից 11-ը ժամանակավոր հրադադար է հայտարարել՝ Երկրորդ համաշխարհային պատերազմում նացիստական Գերմանիայի նկատմամբ Խորհրդային Միության տարած հաղթանակի 80-ամյակի կապակցությամբ։
Քելլոգի խոսքով՝ Ուկրաինան և ԱՄՆ-ն համաձայնության են եկել պատերազմի ավարտի հիմնական պայմանների շուրջ։
Լոնդոնում, պատերազմը դադարեցնելու բանակցությունների շրջանակներում, ուկրաինական և ամերիկյան կողմերը կազմել են պայմանների ցանկ, որը պարունակում է 22 «շատ կոնկրետ» գործողություն։
«Ուկրաինացիներին ոչ բոլորը դուր եկան, բայց ոչ մեկին դուր չի գա ձեր կողմից ձևավորված վերջնական դիրքորոշումը։ Դա նորմալ է, երբ բանակցություններ են ընթանում։ Բայց մենք բավականին լավ դիրքում ենք նրանց հետ... երբ խոսքը վերաբերում է ուկրաինացիներին, մենք շատ հարմարավետ ենք զգում այնտեղ, որտեղ հիմա գտնվում ենք», - ասել է Քելլոգը։
