TikTok-ը տուգանվել է 530 միլիոն եվրոյով․ որն է պատճառը
Տեսանյութերի փոխանակման TikTok սոցցանցն Իռլանդիայի տվյալների պաշտպանության հանձնաժողովի (DPC) կողմից տուգանվել է 530 միլիոն եվրոյով՝ ԵՄ օգտատերերի անձնական տվյալները Չինաստան փոխանցելիս չպաշտպանելու համար, ասվում է գաղտնիության վերահսկող մարմնի ուրբաթ օրվա հայտարարության մեջ։
DPC-ի փոխկոմիսար Գրեհեմ Դոյլը նշել է, որ փոխանցումները խախտում են տվյալների պաշտպանության ընդհանուր կանոնակարգը (GDPR), քանի որ TikTok-ը չի կարողացել ցույց տալ, որ ԵՄ օգտատերերի անձնական տվյալները, որոնց հեռակա հասանելի են եղել Չինաստանում գործող աշխատակիցները, «ապահովվել են ԵՄ-ում երաշխավորվածին գրեթե համարժեք պաշտպանության մակարդակ»։
«Անհրաժեշտ գնահատումների կատարումը ձախողելու հետևանքով TikTok-ը չի անդրադարձել չինական իշխանությունների կողմից ԵՏԳ [Եվրոպական տնտեսական գոտի] անձնական տվյալներին հնարավոր հասանելիություն ունենալու հնարավորությանը Չինաստանի հակաահաբեկչական, հակահետախուզական և այլ օրենքներին համապատասխան, որոնք TikTok-ը սահմանել է որպես ԵՄ չափանիշներից էապես շեղվող», - նշված է հայտարարության մեջ։
TikTok-ը, որն ունի մոտ 159.1 միլիոն ամսական ակտիվ օգտատեր Եվրոպայում, պետք է վեց ամսվա ընթացքում համապատասխանեցնի տվյալների մշակումը։ Տվյալների փոխանցումը Չինաստան կդադարեցվի, եթե այս ժամկետը չպահպանվի։
