Որո՞նք են ջեռուցման վտանգներն առողջության համար
Ջեռուցման շրջանը, որը սկսվում է առաջին ցուրտ եղանակի գալուստով, կարող է վտանգ պարունակել մարդու առողջության համար։ Այն օդում «ծանր դինամիկա» է ստեղծում և մեծացնում է ալերգիայի զարգացման վտանգը, հաղորդում է Հանրային լրատվական ծառայությունը։
Դեղաբանության և թունաբանության մասնագետ, բժիշկ Ալեքսանդր Էդիգերի խոսքով՝ ջեռուցման սեզոնը մարդու առողջության համար դժվար փորձությունների շրջան է։ Այս ժամանակահատվածում օդում «ծանր դինամիկա» է ստեղծում և որոշ դեպքերում նույնիսկ կարող է հանգեցնել ալերգիկ հիվանդությունների։
Ըստ նրա՝ ներսի օդը՝ լինի դա բնակարանի, թե գրասենյակի, դեռ ամբողջությամբ չի նստում, իսկ ցերեկային ժամերին ջերմաստիճանի ու խոնավության մշտական փոփոխություն կա, ինչը ոչ միշտ է լավ ընդունվում մարդու օրգանիզմի կողմից։
«Մի քանի շաբաթ է անհրաժեշտ անցումը ձմռանը»,- նշել է Էդիգերը՝ նկատի ունենալով ներսի օդի փոփոխությունը։
Այս ընթացքում, ըստ մասնագետի, առաջին հերթին հիպոթերմային վտանգ կա։ «Կա նաև փոշու ալերգիայի առաջացման վտանգ, թեև ոչ հաճախակի, փոշու կամ որոշ արտաքին գործոնների, մասնավորապես՝ տան փոշու կամ օդափոխության խողովակների, ինչպես նաև օդորակիչների պատճառով, եթե դրանք օգտագործվում են ջեռուցման համար»,- ասել է նա։
