Wildberries-ը սկսել է Zara-ի և ևս մի քանի հայտնի բրենդների վաճառքը
Wildberries առցանց մանրածախ վաճառքի հարթակը սկսել է Արևմուտքի պատժամիջոցների հետևանքով ռուսական շուկայից հեռացած Inditex ընկերությունների խմբում ներառված Zara ապրանքանիշի արտադրանքի վաճառքը. հայտնում է TASS-ը։
Wildberries կատալոգում հայտնվել է Zara ապրանքանիշի արտադրանքի տեսականին՝ հագուստ, ջինսեր և աքսեսուարներ:
Նախկինում Wildberries-ում հասանելի էին Massimo Dutti և Pull&Bear ապրանքանիշերի ապրանքները, որոնք նույնպես ներառված են Inditex-ում:
Հունիսի 8-ին Inditex-ի (Massimo Dutti, Zara, Pull&Bear, Oysho, Bershka, Stradivarius և այլ ապրանքանիշեր) մամուլի ծառայությունը TASS-ին հայտնել է, որ Ռուսաստանում ընկերության խանութները դեռ ժամանակավորապես փակ են։
