Վրաստանը պատրաստ է որպես միջնորդ հանդես գալ Հայաստանի և Ադրբեջանի միջև հակամարտության լուծման համար․ Վրաստանի ԱԳՆ
Վրաստանը կրկին պատրաստ է որպես միջնորդ հանդես գալ Հայաստանի եւ Ադրբեջանի միջեւ հակամարտության լուծման համար, որի սահմանին անցյալ շաբաթ սրացում տեղի ունեցավ։ Այս մասին լրագրողներին հայտարարել է Վրաստանի ԱԳՆ ղեկավար Իլյա Դարչիաշվիլին։
«Վրաստանը միշտ պատրաստ է եղել մեր հարավային հարեւաններին երկիրը որպես մի վայր առաջարկել, որտեղ նրանք կարող են երկխոսություն սկսել խաղաղության ամրապնդման ուղղությամբ։ Այս առումով մեր երկրի առաջարկը կրկին ուժի մեջ է։ Եթե անհրաժեշտություն առաջանա, որպեսզի մեր երկիրը որպես միջնորդ ներգրավվի գործընթացում, մենք միշտ պատրաստ ենք»,- ասել է Վրաստանի ԱԳՆ ղեկավարը։
Նա հավելել է, որ Վրաստանն այս առումով ոչ մի նախապայման չունի։ Թբիլիսիի գլխավոր նպատակը խաղաղությունն ու կայունությունն է տարածաշրջանում։
