Պատերազմի ժամանակ վիրավորում ստացած զինվորների ատեստացիա անցնելու կարգը հստակ է․ Սուրեն Պապիկյան
«Նրանք, ովքեր պատերազմի բերումով, մարտական գործողությունների բերումով ունեն վիրավորւմ և դա արձանագրված է համապատասխան ծառայության կողմից, այդ անձինք ատեստավորման ժամանակ չեն հանձնի քննություն»,- ԱԺ ամբիոնից, արձագանքելով պատգամավորի հարցին ասաց Պաշտպանության նախարար Սուրեն Պապիկյանը։
Մանրամասնելով նա ասաց, որ եթե զինծառայողը ձեռքի վիրավորում ունի, ապա ձեռքի հետ կապվող վարժություններ նրան չեն առաջադրվի և այդ վարժությունը կհամարվի հանձնված, բայց կհանձնեն մյուս քննությունները։
Սուրեն Պապիկյանի խոսքով՝ վիրավորումը ներկայացնելու կարիք չկա, որովհետև այն արձանագրված է լինում․
«Մարմնական վնասվածքն արդեն գրված է լինում հիվանդության պատմության մեջ և այս պարագայից ելնելով մարմնի այդ հատվածի վնասված լինելու պատճառով, եթե զինվորը, օրինակ, չի կարող մասնակցել ֆիզպատրաստությանը կամ կրակային պատրաստությանը, կարող է հանձնել, ասենք, գիտելիքի քննություն։ Կառավարության որոշման մեջ սա արձանագրված է»։
Նախարարը կրկին ընդգծեց, որ խոսքը պատերազմի ժամանակ ստացած վիրավորումների մասին է։
Մանրամասները՝ տեսանյութում
