ԵՄ-ն Հունգարիային մեկ ամիս ժամանակ է տալիս՝ նախքան ֆինանսավորումը դադարեցնելը

Եվրահանձնաժողովը մեկ ամիս ժամանակ է տվել Հունգարիային, որպեսզի լուծի օրենքի գերակայության վերաբերյալ ԵՄ-ի մտահոգությունները՝ նախքան Եվրամիության կառավարություններին կխնդրի կասեցնել միջոցների մի մասը, որը Հունգարիան պետք է ստանա դաշինքի 2021-2027 թվականների բյուջեի շրջանակներում, հաղորդում է Reuters-ը:

Նոր ժամկետի ավարտը ԵՄ գործընթացի մի մասն է, որը կոչվում է «պայմանականության մեխանիզմ», որը նախատեսված է ԵՄ-ի ֆինանսական շահերը ԵՄ կառավարության կողմից օրենքի գերակայության խախտումներից պաշտպանելու համար: Այն առանձնացված է օրենքի գերակայության այլ ընթացակարգերից, որոնք ԵՄ-ն սկսել է Հունգարիայի դեմ:

Հանձնաժողովը կարծում է, որ ԵՄ-ի փողերը Հունգարիայում վտանգված են կոռուպցիայի պատճառով, որը կարող է դրսեւորվել ԵՄ-ի կողմից ֆինանսավորվող նախագծերի մրցույթների ձեւով, որոնց մասնակցում է միայն մեկ հայտատու, եւ որը սովորաբար կապված է իշխող կուսակցության հետ:

ԵՀ-ն մտահոգված է նաեւ դատական համակարգի, ԶԼՄ-ների եւ հասարակական կազմակերպությունների անկախության հետ կապված իրավիճակով։

Հունգարիան այս շաբաթ առաջարկել է կրճատել բաց մրցույթների թիվը, որոնց մասնակցում է միայն մեկ մասնակից, մինչեւ ընդհանուրի 15 տոկոսը։ Նա նաեւ առաջարկել է թույլ տալ դատարաններին կարգադրել դատախազներին վարել գործերը, նույնիսկ եթե դատախազները որոշել են դա չանել, եւ Հունգարիայում օրենսդրությունը դարձնել ավելի թափանցիկ ու ներառական:

Բյուջեի գումարների հետ կապված մտահոգությունների պատճառով Եվրահանձնաժողովը ապրիլին գործարկել է Հունգարիայի դեմ «պայմաններ առաջ քաշելու մեխանիզմ»: Ի վերջո, դա կարող է հանգեցնել ԵՄ բյուջեից Հունգարիայի համար 21 միլիարդ եվրոյի հատկացման կասեցմանը։

Եվրահանձնաժողովը ուրբաթ հայտարարել է, որ հանձնարարել է բյուջեի հարցերով եվրոպական հանձնակատար Յոհաննես Հանին տեղեկացնել Բուդապեշտին այն միջոցների մասին, որոնք Հանձնաժողովը մտադիր է առաջարկել ԵՄ կառավարություններին, եթե Հունգարիայի վերականգնողական միջոցառումներն անհամարժեք լինեն:

«Հունգարիան այժմ ունի մեկ ամիս, որի ընթացքում կարող է ներկայացնել իր դիտողությունները եւ ցանկացած լրացուցիչ տեղեկատվություն, մասնավորապես՝ Հանձնաժողովի կողմից նախատեսված միջոցառումների համաչափության վերաբերյալ»,- հայտարարել է ԵՄ գործադիր մարմինը։