Շանհայ քաղաքի իշխանությունները հայտնել են քաղաքում սահմանափակում մտցնելու մասին

Չինաստանի Շանհայ քաղաքի իշխանությունները, կապված կորոնավիրուսային վարակի նոր բռնկման հետ, երկուշաբթի օրը որոշել են մտցնել երկու տարվա ընթացքում ամենամեծ սահմանափակումը, ասվում է տեղական կառավարության հայտարարության մեջ, տեղեկանում ենք РИА Новости-ից:

Նշվում է, որ անցած մեկ օրվա ընթացքում մեգապոլիսում, որտեղ ապրում է 24,9 միլիոն մարդ, հայտնաբերվել է վարակի 60 հաստատված դեպք, ինչպես նաև 3454 ասիմպտոմատիկ դեպք:

Իշխանությունների պլանի համաձայն՝ թեստավորում անցկացնելու և հիվանդության հետագա տարածումը կանխելու համար անհրաժեշտ սահմանափակումը տեղի կունենա երկու փուլով։