Գյումրիում ընդդիմությունը լուծեց իր առջև դրված խնդիրը. մնաց մնացածը
Տրամադրությունը Գյումրիում այս պահին շատ լավ է, որովհետև կոտրվեց այն կարծրատիպը, որ ՔՊ-ն անպարտելի է: Այս մասին MediaHub-ի հետ զրույցում ասաց ԱԺ «Հայաստան» խմբակցության պատգամավոր Մհեր Մելքոնյանը:
«Գյումրեցիները երեկ իրենց քվեով ապացուցեցին, որ հակապետական, հակաազգային իշխանությունները տեղ չունեն մեր կյանքում»,- նշեց նա:
Այժմ բոլորի ուշադրությունը սևեռված է ընդդիմադիր հատվածին, արդյոք կմիավորվեն և կկարողանան Գյումրիում իշխանությունը վերցնել: Մելքոնյանի խոսքով՝ այն, ինչ կատարվեց Գյումրիում վերջին մեկ ամսվա ընթացքում տպավորիչ էր, որովհետև ՔՊ-ն բոլոր հնարավոր ու անհնարին մեթոդներով փորձում էր ազդել այս ընտրությունների արդյունքների վրա, իսկ պետական բռնաճնշումների մասով բոլորին տեսանելի էին մեթոդները:
«Պետք է արձանագրենք, որ Գյումրիում ընդդիմությունը լուծեց իր առջև դրված խնդիրը, այն էր՝ թույլ չտալ ՔՊ-ին միանձնյա ձևավորել իշխանությունը Հայաստանի երկրորդ քաղաքում: Ինչ վերաբերում է նրանց միավորմանը, ապա սպասենք, այս պահին դա թողնեմ առանց մեկնաբանության»,- հավելեց պատգամավորը:
