Վերին Շորժայի ուղղությամբ առաջխաղացում չենք նկատել․ վնասված շինություններ կան․ վարչական ղեկավար

Թշնամու՝ մեր գյուղի ուղղությամբ առաջխաղացում չենք նկատել։ Այս պահին շատ բան չեմ կարող ասել, ոնց գիտեք՝ էդ ա։ Այս մասին MediaHub.am-ի հետ զրույցում ասաց Գեղարքունիքի մարզի Վերին Շորժայի վարչական ղեկավար Արտյոմ Երանոսյանը։

Հիշեցնենք, որ ըստ ՊՆ-ի՝ սեպտեմբերի 14–ի ժամը 08։00-ից սկսած հակառակորդը, կիրառելով հրետանային միջոցներ, ականետեր և խոշոր տրամաչափի հրաձգային զինատեսակներ, կրկին սկսել է նախահարձակ գործողություններ, մասնավորապես՝ Ջերմուկի և Վերին Շորժայի ուղղություններով։ Մասնավորապես՝ Ջերմուկի ուղղությամբ հակառակորդը կիրառել է հարվածային անօդաչու թռչող սարքեր։

Երանոսյանը նշեց, որ իրականում առավոտյան թշնամու կրակոցնեերը Վերին Շորժայի ուղղությամբ չեն եղել։

«Առավոտ այլ ուղղությամբ էր ձայներ լսվում, Շորժայում չէր։ Երեկ երեկոյան ժամը 19։00-20։00-ի կողմերը իրավիճակը խաղաղվեց, համեմատաբար, դեռ նույն վիճակն է պահպանում»,-ասաց նա։

Վարչական ղեկավարը հիշեցրեց, որ կանայք և երեխաները տարհանվել են։  

«Տղամարդիկ միշտ պատրաստ են։ Վնասված շինություններ, իհարկե, կան»։

Լիաննա Թորոսյան