Թրամփն իր գոլֆի ակումբում իր արձանն է կանգնեցրել

ԱՄՆ նախագահ Դոնալդ Թրամփն իր արձանն է կանգնեցրել իր «Trump International Golf Club» ակումբում։

Արձանը նրան նվիրել է գործարար Էնթոնի Կոնստանտինոն։ Այս մասին գործարարը հայտնել է X սոցիալական ցանցում։

Արձանը կոչվում է «Հակառակության հուշարձան» և ունի մոտավորապես 2,1 մետր բարձրություն։ Այն տեղադրվել է գոլֆի ակումբի շենքերից մեկի և 27 անցք ունեցող գոլֆի դաշտի առաջին անցքի միջև։

«Նախագահը ուրախ, կատակային տրամադրություն ուներ, ինչը հիանալի էր տեսնել», - ասել է Կոնստանտինոն, ով նաև Թրամփի Մար-ա-Լագոյի անդամ է:

Այն կանգնեցված է քարե պատվանդանի վրա, որի վրա փորագրված է «Էնթոնի Կոնստանտինո» անունը։

Արձանը պատկերում է Թրամփին՝ ձեռքը բարձրացրած և բռունցքը սեղմած։ Նախագահն այս կեցվածքն ընդունել էր այն բանից հետո, երբ նրան կրակել էին 2024 թվականի ամռանը նախընտրական ելույթի ժամանակ։