ԱՄՆ դիվանագետները խնդրել են գործընկերներին զեկուցել «հակաքրիստոնեական կողմնակալության» մասին

Պետդեպարտամենտի աշխատակիցներին խնդրել են անանուն կերպով զեկուցել «հակաքրիստոնեական կողմնակալություն» դրսևորող գործընկերների մասին, հայտնել է Politico-ն՝ հղում անելով ներքին փաստաթղթի:

Այս բովանդակությամբ հեռագիր ուղարկվել է ԱՄՆ դեսպանատներին ամբողջ աշխարհում, նաև որպես ծանուցում ուղարկվել է Պետդեպարտամենտի բոլոր աշխատակիցներին։ Հեռագրում խնդրում են կիսվել հնարավորինս շատ մանրամասներ՝ անուն, ամսաթիվ, դեպքի վայր։ Դրանում նշվել է, որ կրոնական համոզմունքների համար հետապնդումները խտրականություն են և հակասում են ԱՄՆ Սահմանադրությանը:

Բաժնի որոշ աշխատակիցներ նամակը դիմավորել են ցնցված ու տագնապով։ Նրանց կարծիքով՝ եթե անգամ ղեկավարության խնդրանքը դրդված է բարի մտադրություններով, այն հիմնված է ի սկզբանե սխալ ենթադրության վրա, որ հակաքրիստոնեական տեսակետներ են տարածված Պետդեպարտամենտում, գրել է հրատարակությունը։

Դժգոհ աշխատակիցները վստահ են, որ նման խնդրանքները թիմում վախի մթնոլորտ կստեղծեն։

Նման գործողությունների օրինակներ են հավաքվում՝ ի կատարումն Թրամփի փետրվարի գործադիր հրամանի՝ կառավարությունում «հակաքրիստոնեական կողմնակալությունը» արմատախիլ անելու համար։