Բաքուն բացահայտ սպառնում է Երևանին
Բաքուն «Պլան Բ» ունի Զանգեզուրի միջանցքի հարցով, եթե Հայաստանը շարունակի իր ապակառուցողական մոտեցումն այս նախագծի նկատմամբ։ Այս մասին «Ազերթաջ» գործակալության և հունգարական «Մադյար դեմոկրատա» թերթի հետ զրույցում նշել է Ադրբեջանի ԱԳ նախարար Ջեյհուն Բայրամովը։
«Ինչ-որ պահի այնպիսի զգացողություն է ստեղծվում, որ մենք մոտ ենք աշխատանքն ավարտելուն, երբ հանկարծ, վերջին պահին, Հայաստանը նոր բան է առաջ քաշում, որը նորից գործընթացը տանում է դեպի փակուղի»,- ասել է նա։
Բայրամովի համոզմամբ՝ Երևանի նման մոտեցումը կարող է հանգեցնել նրան, որ բաց կթողնվի սեփական տնտեսությունը շտկելու ևս մեկ շահավետ հնարավորություն, քանի որ «ճանապարհը կարող է պարզապես շրջանցել Հայաստանը»։
«Ադրբեջանը կշարունակի աշխատել այս ուղղությամբ՝ ունենալով «Պլան Բ»։ Իսկ մեզ համար նախագիծը կիրականացվի նույնիսկ առանց Հայաստանի մասնակցության, բայց այս դեպքում նաուղղակի դուրս կմնա շահառուների ցանկից»,- եզրափակել է նախարարը։
