Որո՞նք են ծնկի ցավի ամենատարածված պատճառները
Ծնկների ցավը կարող է հանկարծակի առաջանալ վնասվածքի հետևանքով կամ զարգանալ ժամանակի ընթացքում: Այս մասին Газета.Ru-ին տված հարցազրույցում խոսել է ռևմատոլոգ Պոլինա Պոստնիկովան։
«Միջին և տարեց մարդկանց ծնկների ցավի ամենատարածված պատճառներից մեկը օստեոարթրիտն է: Այն կարող է կապված լինել նաև փափուկ հյուսվածքների՝ հոդերի մկանների, կապանների և ջլերի վնասման հետ»,- պարզաբանել է բժիշկը։
Բացի այդ, ծնկի ցավը կարող է զարգանալ, երբ մկանային-կմախքային համակարգը վնասված է: «Օրինակ՝ հարթաթաթությամբ կամ ազդրի հոդի պաթոլոգիայով։ Ծնկների հոդերի ցավերի հազվագյուտ պատճառների թվում են ռևմատիկ, վարակիչ և ուռուցքաբանական հիվանդությունները»,- նշել է Պոստնիկովան։
Եթե ցավն առաջանում է ավելորդ ծանրաբեռնվածության կամ շարժման սխալ տեխնիկայի պատճառով, ապա բավական է հոդը հանգստացնել, իսկ հետո մարզչի հետ սկսել վարժություններ անել։
Բժիշկը նշել է, որ օստեոարթրիտը շատ կարևոր է հայտնաբերել վաղ փուլում, երբ հիվանդությունը կարող է պահպանողական բուժվել։ Այս դեպքում կօգնեն ֆիզիոթերապիան, ապրելակերպի փոփոխությունը, քաշի կորուստը եւ հատուկ դեղամիջոցները։
«Ծնկների ցանկացած ցավի դեպքում ավելի լավ է այցելել բժշկի։ Եթե ցավը շարունակվում է կամ ուժեղանում է հանգստի ժամանակ, կամ անհանգստացնում է ձեզ գիշերն ու առավոտյան, ապա պետք է հնարավորինս շուտ պայմանավորվել»,- խորհուրդ է տվել բժիշկը։
