Կինը ծովափին հին մետաղադրամներով եւ թանկարժեք քարերով սնդուկ է հայտնաբերել
Մեծ Բրիտանիայի բնակիչուհին ծովափին մետաղադրամներով ու թանկարժեք քարերով հին սնդուկ է հայտնաբերել, հայտնում է Metro-ն։
38-ամյա Ջենի Ֆիցջերալդը պատմել է, որ ընտանիքի հետ Նորֆոլկ կոմսության լողափը մաքրելիս ոտքը դեմ է առել ավազի մեջ թաղված սնդուկի։ «Ես զանգահարեցի ամուսնուս եւ ասացի, որ ինչ-որ զարմանալի բան եմ գտել, բայց նա միայն պատասխանեց. «Օ, ոչ, մի հատ էլ այդ աղբը»»,- հիշում է նա: Ծանր գտածոն ստիպված է եղել քարշ տալ առանց նրա օգնության։
Ֆիցջերալդը եւ իր երեխաները ատամի խոզանակներով քերել են սնդուկի վրայի ավազը: Հետո նրանց հաջողվել է վնասված հատակի միջով հասնել դրա պարունակությանը: Ներսում մոտ հարյուր հատ մետաղադրամ է եղել, հիմնականում՝ վիկտորիանական եւ Բրիտանիան 18-րդ դարի վերջին կառավարած թագավոր Գեորգ III-ի ժամանակներից։ Որոշ մետաղադրամներ, ըստ կնոջ խոսքերի, միջնադարյանի եւ հին հռոմեականի տեսք են ունեցել: Սնդուկում եղել են նաեւ թանկարժեք քարեր, ժանգոտած գրպանի ժամացույց, օծանելիքի հին սրվակ, կնիքով մատանի եւ լուցկու արծաթե տուփ, որի վրա փորագրված է եղել «Էռնեստ» անունը։
«Ես երբեք նման բան չեմ տեսել ծովափին»,- խոստովանել է Ֆիցջերալդը: «Ես սովորաբար ծովային ապակիներ եւ խեցիներ եմ փնտրում, ուստի անհավատալի էր նման բան գտնելը»: Նա գտածոներն ուղարկել է փորձագետներին, որոնք կարող են որոշել դրանց արժեքը:
Մեծ Բրիտանիայի բնակիչուհին ծովափին մետաղադրամներով ու թանկարժեք քարերով հին սնդուկ է հայտնաբերել, հայտնում է Metro-ն։
38-ամյա Ջենի Ֆիցջերալդը պատմել է, որ ընտանիքի հետ Նորֆոլկ կոմսության լողափը մաքրելիս ոտքը դեմ է առել ավազի մեջ թաղված սնդուկի։ «Ես զանգահարեցի ամուսնուս եւ ասացի, որ ինչ-որ զարմանալի բան եմ գտել, բայց նա միայն պատասխանեց. «Օ, ոչ, մի հատ էլ այդ աղբը»»,- հիշում է նա: Ծանր գտածոն ստիպված է եղել քարշ տալ առանց նրա օգնության։
Ֆիցջերալդը եւ իր երեխաները ատամի խոզանակներով քերել են սնդուկի վրայի ավազը: Հետո նրանց հաջողվել է վնասված հատակի միջով հասնել դրա պարունակությանը: Ներսում մոտ հարյուր հատ մետաղադրամ է եղել, հիմնականում՝ վիկտորիանական եւ Բրիտանիան 18-րդ դարի վերջին կառավարած թագավոր Գեորգ III-ի ժամանակներից։ Որոշ մետաղադրամներ, ըստ կնոջ խոսքերի, միջնադարյանի եւ հին հռոմեականի տեսք են ունեցել: Սնդուկում եղել են նաեւ թանկարժեք քարեր, ժանգոտած գրպանի ժամացույց, օծանելիքի հին սրվակ, կնիքով մատանի եւ լուցկու արծաթե տուփ, որի վրա փորագրված է եղել «Էռնեստ» անունը։
«Ես երբեք նման բան չեմ տեսել ծովափին»,- խոստովանել է Ֆիցջերալդը: «Ես սովորաբար ծովային ապակիներ եւ խեցիներ եմ փնտրում, ուստի անհավատալի էր նման բան գտնելը»: Նա գտածոներն ուղարկել է փորձագետներին, որոնք կարող են որոշել դրանց արժեքը:
