Առաջադրվել եմ Գյումրու քաղաքապետի պաշտոնակատարի թեկնածու

«Ազգային անվտանգային վերահսկողական կոմիտե» ՀԿ-ի նախագահ Արտյոմ Թումանյանն իր ֆեյսբուքյան էջում հայտնել է, որ պաշտոնապես առաջադրվել է Նիկոլ Փաշինյանի առաջարկած նախնական ընտրություններում՝ որպես Գյումրի համայնքի ղեկավարի պաշտոնակատարի թեկնածու:

«Սիրելի՛ հայրաքաղաքցիներ՝ գյումրեցիներ,

Պաշտոնապես տեղեկացնում եմ ձեզ, որ առաջադրվել եմ ՀՀ վարչապետ Նիկոլ Փաշինյանի կողմից առաջարկված նախնական ընտրություններին որպես Գյումրու քաղաքապետի ժամանակավոր պաշտոնակատարի թեկնածու:

Հստակ գիտակցում եմ, թե ինչ բարդ ու պատասխանատու բեռ եմ վերցնում իմ ուսերին, սակայն այս դժվարին ու օրհասական պահերին, ինչպես միշտ, եղել ու մնալու եմ իմ համաքաղաքացիների կողքին՝ անմնացորդ։

Հիմա ամեն ինչ լինելու է ձեր որոշումով։

Հպարտ եմ, որ հայ եմ, կրկնակի հպարտ եմ, որ գյումրեցի եմ»;