Մասնագետը թվարկել է մթերքներ, որոնք մեծացնում են ալկոհոլի հանդեպ հակումը
Որոշ մթերքներ կարող են մեծացնել ալկոհոլի հանդեպ հակումը։ Զգուշացրել է հոգեբույժ-նարկոլոգ Անտոն Պետրովը։
Նա «Դոկտոր Պիտերի» հետ զրույցում թվարկել է ուտելիքներ, ուտեստներ, որոնք մեծացնում են խմելու ցանկությունը։
Պետրովը պարզաբանել է, որ դեռևս հավաստի տվյալներ չկան այն մթերքների մասին, որոնք մեծացնում են ալկոհոլի հանդեպ տենչը, բայց, ամենայն հավանականությամբ, ալկոհոլի նկատմամբ հակումը կավելանա այն մթերքով, որը մարդը սովորաբար օգտագործում է խմելու հետ միասին։ «Մենք հաճախ ենք լսում հիվանդներից՝ «Ինչպե՞ս կարող եմ գնալ ռեստորան, սթեյք պատվիրել և գինի չխմել»: Կամ՝ «Հիմա բոլորը կգնան խորովածի և կխմեն, իսկ ինձ ընդհանրապես չի՞ կարելի»»:
Ըստ նրա՝ դա վկայում է ալկոհոլ օգտագործելու հաստատված սովորության մասին։ Նմանապես, մարդը սովորում է ուրբաթ օրը գարեջուր խմել, իսկ արձակուրդում` ալկոհոլային կոկտեյլներ: «Բայց այն դեպքում, երբ մարդն ունի իրազեկման հմտություններ, երբ կարողանում է նկատել, որ խմելու ցանկություն կա, փոխարինման տեխնիկան կարող է աշխատել։ Ցանկություն ունենալու դեպքում կարող եք զսպել այն՝ համեղ ուտելիքներով ուտելով»,- նկատեց նարկոլոգը։
Մասնաքէտե հավելել :, որ խմելու ցանկությունը ճնշելու համար սնունդը պետք է առատ լինի, իսկ ուտելիքի ընտրությունը՝ ցանկալի, բաղկացած սիրելի ուտեստներից։
