Ադրբեջանում 20-ամյա կինը սպանել է իր մեկամյա երեխային․ մանրամասներ

Մեկամյա երեխայի սպանության մեջ մեղադրվող 20-ամյա Նարգիզ Բագիևայի գործով դատավարությունն ավարտվել է։ Ադրբեջանական լրատվամիջոցների փոխանցմամբ՝ դատարանը Բագիևային դատապարտել է 14 տարվա ազատազրկման։

Հաղորդվում է, որ դեպքը տեղի է ունեցել անցյալ տարվա սեպտեմբերին Բաքվի Սուրախանի շրջանի Հովսան բնակավայրում։ Հետաքննության ընթացքում հիմնավոր կասկածներ են հաստատվել, որ 20-ամյա Նարգիզ Բագիեւան դիտավորյալ սպանել է երեխային՝ նրա սննդի մեջ ջրածնի պերօքսիդ լցնելով։