Բոբ Դիլանը գնորդ է գտել Շոտլանդիայում իր առանձնատան համար

Ամերիկացի պոետ, ռոք երաժիշտ և Նոբելյան մրցանակակիր Բոբ Դիլանը գնորդ է գտել Շոտլանդիայում իր առանձնատան համար։ Դա տեղական վիսկի արտադրող ընկերություն է, հաղորդել է Mansion Global-ը։

Angus Dundee Distillers-ը արտադրում է միայնակ ածիկ, խառը շոտլանդական և լյուքս վիսկիներ: Այն ունի երկու թորման գործարան՝ մեկը Շոտլանդիայի արևելյան ափին, իսկ մյուսը՝ Քեյրնգորմս ազգային պարկում, որի տարածքում տեղակայված է Դիլանի մեկուսի կալվածքը: Գնման գործարքն ընկերությանն արժեցել է 5,3 մլն դոլար:

Երաժիշտը վաճառքի էր հանել իր տունը հուլիսին և սկզբնական գին դրել էր 3,9 միլիոն դոլարը:

Առանձնատունը կառուցվել է 20-րդ դարի սկզբին և ունի 1680 քմ մակերես։ Տան ներսում կա 16 ննջասենյակ, 11 լոգասենյակ, 2 խոհանոց և 4 հյուրասենյակ։ Այլ առանձնահատկությունները ներառում են պարտեզի սենյակ, բիլիարդի սենյակ, գրասենյակներ, արհեստանոց, երաժշտության սենյակ և հին ածուխի նկուղ:

Բացի այդ, շենքում կա առանձին թեւ՝ հյուրերի և անձնակազմի համար նախատեսված սենյակներով։ 970 ակր տարածքով տեղանքում կա նաև վիկտորիանական ջերմոց, պտղատու այգի, շատրվան և նույնիսկ կրոկետի մարգագետին: Կալվածքում կա երեք 4 սենյականոց քոթեջ։ Դիլանը նույնիսկ անդրադարձել է այս կալվածքին 1997 թվականի իր «Highlands» երգում։