Փաշինյանի հերթական քարոզչական բլեֆը 

Վճռաբեկ դատարանը բեկանել է Ռոբերտ Քոչարյանի, Յուրի Խաչատուրովի և մյուսների գործը կարճելու որոշումը․ գործը կրկին կքննվի Հակակոռուպցիոն դատարանում: 

Չորս նախկին բարձրաստիճան պաշտոնյաները 2018 թվականից մեղադրվում էին 2008 թվականի մարտի իրադարձությունների ժամանակ սահմանադրական կարգը տապալելու կամ դրան օժանդակելու համար։ 

Ինչպես գիտեք, Մարտի 1-ի բացահայտումը եղել է Նիկոլ Փաշինյանի գլխավոր խոստումներից մեկը՝ դեռ 2018-ից սկսած: 

Իսկ ի՞նչ արեց Նիկոլ Փաշինյանն իշխանության գալուց հետո: 

Իր կողմից «բարեփոխված»  ՍԴ-ի կողմից արդարացրեց Ռոբերտ Քոչարյանին՝ թաղելով «Մարտի 1»-ի բացահայտման հնարավորությունը: 

Դա տեղի ունեցավ 2021-ի խորհրդարանական ընտրություններից առաջ, ինչը, մի կողմից, «խլացվեց» այդ օրերի աղմուկի տակ, մյուս կողմից՝ նպաստեց Ռոբերտ Քոչարյանի հավակնությանը՝ որպես ընդդիմության առաջնորդի:

Դարձյալ մոտենում են ընտրությունները, և Փաշինյանին նոր շոու է պետք: 

«Մարտի 1»-ի լիարժեք բացահայտման մասին խոսք լինել չի կարող: 

Ինչ հոդված էլ Քոչարյանին առաջադրվի, վաղեմության ժամկետի հիմքով նա չի ազատազրկվելու: 

Շոուի իմաստը պարզ է՝ վարկանիշի մեծ անկում ունեցող Փաշինյանը փորձում է քաղաքական վերակենդանացում ապահովել:

Վահրամ Բագրատյան