Կինոթատրոնի առաստաղը փլուզվել է ֆիլմի ցուցադրության ժամանակ, ներկա է եղել 2 մարդ (տեսանյութ, լուսանկար)

Ամերիկայի Միացյալ Նահանգներում կինոթատրոնի առաստաղը փլուզվել է «Կապիտան Ամերիկայի» մասին նոր ֆիլմի ցուցադրության ժամանակ։ 

Միջադեպը տեղի է ունեցել «Մարվել» ընկերության «Captain America: Brave New World» ֆիլմի ցուցադրության ժամանակ Վաշինգտոնի Վենատչի քաղաքի «Լիբերթի» կինոթատրոնում:

Ցուցադրությանը ներկա է եղել 2 մարդ։

«Խոսելով ինտերակտիվ ֆիլմ դիտելու մասին... սա այն ժամանցը չէ, որը ձեզ պետք է»,- պաշտոնական հաղորդագրության մեջ կատակել են արտակարգ իրավիճակների ծառայության ներկայացուցիչները։

Փրկարարների կողմից արված լուսանկարները ցույց են տալիս, որ ֆիլմը ցուցադրվել է միջադեպից հետո էլ։