«Դալմայի այգիներ» հնավայրում գտնվել են 18-20-րդ դդ. խեցեղենի բազմաթիվ բեկորներ (լուսանկարներ)
Պատմամշակութային ժառանգության գիտահետազոտական կենտրոնը, մասնավորի հետ համագործակցությամբ, ս․թ․ օգոստոս-սեպտեմբեր ամիսներին պեղումներ է իրականացրել «Դալմայի այգիներ» անվամբ հայտնի հնավայրի՝ 19-րդ դ. առաջին քառորդում կառուցված հնձաններից մեկում (հնագետ՝ Արման Նալբանդյան): Հայտնել է կենտրոնը։
Կառույցն ամբողջությամբ ծածկված էր փլատակներով և աղբով: Աշխատանքների ընթացքում ոչ միայն մաքրվեց հնձանն ու հեռացվեցին հարյուրավոր թափված քարեր, այլև պեղվեց անխաթար մնացած մշակութային շերտը, որի արդյունքում հնձանի ներսում բացվեցին կրասվաղ հատակը, գինին պահելու հորը, տաքարը, առվակոսը և, հավանական է, նաև առագաստը:
Գտնվեցին 18-20-րդ դդ. խեցեղենի բազմաթիվ բեկորներ, այդ թվում՝ ջնարակված, մետաղական տարբեր առարկաներ:
Առաջիկայում նախատեսվում են հնձանի վերականգնման աշխատանքներ։
