Մանե Թանդիլյանի վիճակը գնահատվում է բավարար․ նոր մանրամասներ
Արդեն հայտնել ենք, որ «Ապրելու երկիր» կուսակցության նախագահ Մանե Թանդիլյանի ինքնազգացողությունն այսօր վատացել է, և նրան տեղափոխել են «Հերացի» թիվ 1 հիվանդանոցային համալիր։ Հիշեցնենք, որ այսօր հինգերորդ օրն է, ինչ Թանդիլյանը հացադուլ է իրականացնում՝ հաջակցություն Բաքվում պահվող հայ ռազմագերիների։
Հիվանդանոցից MediaHub-ին հայտնեցին, որ քաղաքական գործչի վիճակը բավարար է, նա անցել է տարբեր զննություններ և այս պահին էլ հետազոտվում է։
«Այժմ Մանե Թանդիլյանը գտնվում է անհետաձգելի բուժօգնության բաժանմունքում՝ բժիշկների հսկողության տակ։ Կրիտիկական չէ վիճակը»,- նշեցին բուժհաստատությունից։
Տեղեկացնենք, որ Մանե Թանդիլյանի թիմակից, «Ապրելու երկիր» կուսակցության համահիմնադիր Մեսրոպ Առաքելյանն էլ հայտնում է՝ Թանդիլյանին հորդորել են դադարեցնել հացադուլը, սակայն նա հրաժարվել է։
Նարե Գնունի
