Ազատ Արցախը Շուշի-Ստեփանակերտ խաչմերուկից ողջունում է
Արդեն հայտնել ենք, որ այսօր արցախցի երիտասարդները ակցիա են սկսել Շուշի-Ստեփանակերտ խաչմերուկին։ Նրանք պահանջում են հեռացնել Լաչինի միջանցքում տեղակայված ադրբեջանական անցակետը և բացել կյանքի ճանապարհը։
Քիչ առաջ արցախցի երիտասարդները սկսել են կահավորել ճանապարհը, և առաջին քայլը եղել է աշխարհին և հատկապես ճանապարհը փակած ադրբեջանցիներին ևս մեկ անգամ ապացուցելը, որ ազատ Արցախը ողջունում է։
Ճանապարհին տեղակայված ցուցանակին, որի վրա ադրբեջաներեն գրություն կա, ավելացել է Արցախի այցեքարտերից մեկը՝ «Ազատ Արցախը ողջունում է Ձեզ»։
Այսպիսով, արցախցիները հերթական անգամ ապացուցում են, որ իրենց ոգին անկոտրում է, պայքարը՝ արդար։
