Ռուսաստանում զգուշանում են արևմտյան պատժամիջոցների վերացումից
Ռուսաստանում զգուշանում են արևմտյան պատժամիջոցների վերացումից, քանի որ դրանք ստիպել են ռուսական տնտեսությանը արագ զարգանալ, նաև արտասահմանյան արտադրողների վերադարձից, ասել է ՌԴ փոխվարչապետ Ալեքսեյ Օվերչուկը։
«Մեր աճը կազմում է 4,1 տոկոս [տարեկան]: Եվ ամենամեծ խնդիրը, որին մենք այժմ բախվում ենք Ռուսաստանում, այն է, որ մենք զգուշանում ենք, որ եթե պատժամիջոցները չեղարկվեն, մենք չենք կարողանա զարգանալ այնպես, ինչպես նախատեսել էինք»,- ասել է Օվերչուկը՝ ելույթ ունենալով Չինաստանի Բոաոյում Ասիական ֆորումի «Խաղաղ զարգացման համար բարենպաստ պայմանների ստեղծում և ընդհանուր տնտեսական անվտանգության ապահովում» նստաշրջանում:
Նրա խոսքով՝ Ռուսաստանի տնտեսության վրա պատժամիջոցների դրական ազդեցության օրինակների ցանկը երկար է։
