Քննարկվել է ռազմատեխնիկական համագործակցության զարգացման հեռանկարները. Իսրայելի պաշտպանության նախարարը Բաքվում է
Իսրայելի պաշտպանության նախարար Յոավ Գալանտը ժամանել է Բաքու։
Այցի նպատակն է ամրապնդել ռազմավարական հարաբերությունները, քաղաքական համագործակցությունը և ընդլայնել կապերը անվտանգության և տեխնոլոգիաների ոլորտում։
Փաստենք, որ այցը տեղի է ունեցել ադրբեջանական կողմի հրավերով։
Ադրբեջանի նախագահ Իլհամ Ալիևն ընդունել է Իսրայելի պաշտպանության նախարար Յոավ Գալանտին։
Կողմերը գոհունակություն են հայտնել երկկողմ հարաբերությունների, այդ թվում՝ ռազմատեխնիկական ոլորտում համագործակցության զարգացման կապակցությամբ։
Ադրբեջանի պաշտպանության նախարար Զաքիր Հասանովը ևս Բաքվում հանդիպել է իր իսրայելցի գործընկերոջ հետ։
Կողմերն ընդգծել են ռազմավարական հարաբերությունների հետագա ամրապնդման և անվտանգության ոլորտում կապերի ընդլայնման կարևորությունը։
Քննարկեվել է ռազմատեխնիկական ոլորտում համագործակցության զարգացման հեռանկարները։
