Եվրոպան պետք է միավորվի և ստեղծի իր ուժի կենտրոնը ՆԱՏՕ-ի «փլուզման» դեպքում. Թուրքիայի ԱԳ նախարար
Եվրոպան պետք է միավորվի և ստեղծի իր ուժի կենտրոնը ՆԱՏՕ-ի «փլուզման» դեպքում, հայտարարել է Թուրքիայի արտաքին գործերի նախարար Հաքան Ֆիդանը։
Այս մասին նա խոսել է «Financial Times» թերթին տված հարցազրույցում։
Նրա խոսքով՝ Եվրոպան պետք է այս կերպ արձագանքի Ամերիկայի նախագահ Դոնալդ Թրամփի՝ Եվրոպայի անվտանգության ապահովման գործում ԱՄՆ դերը նվազեցնելու ցանկությանը։
«Սա արթնացման կոչ է բոլորիս համար, ինչը նշանակում է, որ մենք պետք է համախմբվենք և ստեղծենք մեր սեփական ուժային կենտրոնը»,- նշել է նա։
Ֆիդանը պարզաբանել է, որ Թուրքիան պատրաստ է դառնալ եվրոպական անվտանգության նոր կենտրոնի մաս։
