ՆԱՏՕ-ի գլխավոր քարտուղարի ճանապարհորդությունը Հարավային Կովկասի երկրներին ազդեցության գոտի ներքաշելու փորձ է․ Զախարովա
ՆԱՏՕ-ի գլխավոր քարտուղար Ենս Ստոլտենբերգի ճանապարհորդությունը Հարավային Կովկասի երկրներին Եվրատլանտյան ազդեցության գոտի ներքաշելու ևս մեկ փորձ է։ Ասուլիսի ժամանակ հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
«Ռուսաստանի միջնորդությամբ Հարավային Կովկասում ձեռք բերված պայմանավորվածությունները Արևմուտքի համար կարմիր լաթի կտոր աշխատեցին, քանի որ դա խաղաղության ճանապարհ էր՝ հիմնված փոխադարձ հարգանքի և շահերը հաշվի առնելու վրա»,- նշել է նա։
Նրա խոսքով՝ վերջին շրջանում ակտիվություն է նկատվում հայկական ուղղությամբ, Երևանը «հրապուրվում է «Հայաստան-ՆԱՏՕ գործընկերության մեջ անհատական ադապտացիա» ծրագրով»։
Զախարովան նշել է, որ Արևմուտքի ջանքերը միտված են վարկաբեկելու Երեւանի և Մոսկվայի հարաբերությունները, ամբողջովին սահմանափակելու շփումները։
