Բժիշկը նախազգուշացրել է մարդկանց հինգ խմբի սրտի կաթվածի վտանգի մասին

Վերականգնող բժիշկ և հեռուստահաղորդավար Սերգեյ Ագապկինը նախազգուշացրել է մարդկանց հինգ խմբի սրտի կաթվածի և ինսուլտի վտանգի մասին։ «Ռոսիա 1» ալիքի «Ամենակարևոր բանի մասին» հաղորդման եթերում մասնագետը հորդորել է ուշադիր հետևել սրտի առողջությանը։ 

Ագապկինը հայտարարել է, որ սրտանոթային հիվանդությունների ռիսկը մեծ է այն մարդկանց մոտ, ում ծնողները սրտի կաթված կամ ինսուլտ են ունեցել։ Տղամարդկանց, ում հարազատները սրտի հետ կապված խնդիրներ են ունեցել, խորհուրդ է տրվում հետազոտվել 35 տարեկանից հետո, իսկ կանանց՝ դաշտանադադարի սկզբից, քանի որ այդ ժամանակահատվածում սիրտը պաշտպանող էստրոգենի մակարդակը նվազում է։

Նրանք, ովքեր սիրում են աղի և քաղցր ուտելիքներ ունեն, պետք է դիմեն նաև սրտաբանի, նշել է Ագապկինը։ Բժիշկը բացատրել է, որ աղի մթերքները հանգեցնում են արյան ճնշման բարձրացման։ Քաղցրավենիքը բարձրացնում է արյան մեջ գլյուկոզայի մակարդակը, ինչը կարող է նաև սիրտ-անոթային իրադարձությունների պատճառ դառնալ:

Ռիսկի տակ են նաև նրանք, ովքեր նստակյաց կենսակերպ են վարում։ «Անոթերի ամենավատ թշնամին ֆիզիկական ակտիվության պակասն է»,- ընդգծել է մասնագետը։ Օրվա մեծ մասը նույն դիրքում անցկացնողներին նա խորհուրդ է տվել զբաղվել քայլքով, լողով, յոգայով և այլ գործունեությամբ։

Բացի այդ, սրտի հետ կապված խնդիրներ ավելի հաճախ են առաջանում նրանց մոտ, ովքեր մշտապես հոգնած են։ «Եվ ոչ այն հոգնածությունը, երբ մարդը երկար ու քրտնաջան աշխատել է և օրվա վերջում մի փոքր հոգնել է: Կարծես առավոտյան արթնանաս ու արդեն հոգնած լինես»,- ասել է մասնագետը։