Ադրբեջանն էսկալացիայի չի գնում, եթե գնա, կպաշտպանենք մեր բնակավայրերը․ Քոչարյան
Ապակիները կվերանորոգենք ու ամեն ինչ կանենք, որ նման կրակոցները գնահատվեն եվրադիտորդների կողմից, ու ամեն ինչ պիտի անենք, որ էլ կրակոցներ չլինեն: Այդ մասին այսօր ԱԺ-ում լրագրողների հետ զրույցում ասաց ՔՊ-ական պատգամավոր Անդրանիկ Քոչարյանը՝ անդրադառնալով ադրբեջանցիների կրակոցի հետևանքով Տավուշի բնակավայրերին հասցված վնասներին։
Նրա խոսքով՝ հիմա կրակոցները անկանոն, անիմաստ ու աննպատակ են, և եթե անհրաժեշտ լինի, դրանց կպատասխանենք։ «Այս ամենը պայմանավորված է հիստերիկ դրսևորումներով։ Երևի մյուս կողմում կանգնածներն այդ օրը որոշել են անկանոն կրակ ուղարկել մեր ուղղությամբ։ Էդպես շատ ա եղել, ոչ մի բանի հետ կապ չունի»,- նշեց նա։
Ըստ Քոչարյանի՝ նաև կապ չունի ապրիլի հինգի հանդիպման հետ։
«Դեռ չեմ տեսնում, որ Ադրբեջանն ուզում է իրավիճակը տանել էսկալացիայի։ Այ, երբ որ կտեսնենք, կանցնենք լիարժեք պաշտպանության։ Ես Ադրբեջանի կողմից ձեռագիր չեմ տեսնում, խաղաղությանը խանգարողներ շատ կան, նաև երկրի ներսում»,- ասաց նա։
Ըստ Քոչարյանի՝ լարվածության օջախ չպիտի լիներ, դա ընդդիմության ցանկությունն է, դրա մասին այդքան չպիտի խոսվեր։
Մանրամասները՝ տեսանյութում։
