Խորապես վշտացած եմ Հունաստանում գնացքների սարսափելի բախման լուրից. Արարատ Միրզոյան
Արտաքին գործերի նախարար Արարատ Միրզոյանը ցավակցություն է հայտնել իր հույն գործընկեր Նիկոս Դենդիասին տեղի ունեցած ողբերգության առիթով:
«Խորապես վշտացած եմ Հունաստանում գնացքների սարսափելի բախման լուրից, որը տասնյակ կյանքեր է խլել։ Մեր խորհին ցավակցություններն ենք հայտնում զոհվածների ընտանիքներին և ընկերներին, իսկ վիրավորներին մաղթում ենք շուտափույթ ապաքինում։
Հայաստանն այս ողբերգական պահին եղբայրական Հունաստանի և նրա ժողովրդի կողքին է»,- Թվիթթերի իր միկրոբլոգում գրել է Արարատ Միրզոյանը:
Հիշեցնենք, որ ավելի վաղ հայտնել էինք, որ Հունաստանում մարդատար և բեռնատար գնացքներ էին բախվել, որի հետևանքով կան տասնյակ զոհեր:
