Հայաստանն ու Ադրբեջանը բասկետբոլի ԵԱ նույն խմբում են

Բասկետբոլի Հայաստանի տղամարդկանց ազգային հավաքականը (մինչև 16 տարեկան) կխաղա Ադրբեջանի հավաքականի հետ Եվրոպայի 2023 թ. առաջնությունում, հայտնում է Հայաստանի բասկետբոլի ֆեդերացիան։

Նշվում է, որ Մյունխենում կայացել է բասկետբոլի Եվրոպայի առաջնության վիճակահանությունը։ Հայաստանի տղամարդկանց (Մ16) հավաքականը նույն խմբում է ընդգրկվել Ալբանիայի, Կիպրոսի, Սան Մարինոյի և Ադրբեջանի հավաքականների հետ։

Հանդիպումները կանցկացվեն հուլիսի 19-27-ը Կոսովոյի մայրաքաղաք Պրիշտինայում։ Կանանց (Մ16) հավաքականը կհանդիպի Վրաստանի, Մալթայի և Ջիբրալթարի ընտրանիների հետ։ Հանդիպումները կկայանան հուլիսի 18-23-ը՝ Անդորրայում։

Կանանց (Մ18) հավաքականը խմբում հայտնվեց Մոլդովայի, Կոսովոյի և Ալբանիայի հավաքականների հետ։ Հանդիպումները կանցկացվեն օգոստոսի 1-6 Ալբանիայի Դուրես քաղաքում։