Ե՞րբ սպասել ռուբլու արժևորման ի համեմատ դոլարի

Նոյեմբերի վերջին դոլարի փոխարժեքը կարող է իջնել 90 ռուբլուց։ Այս կանխատեսումը Газета.Ru-ին տվել է BCS World of Investments-ի վերլուծաբան Դենիս Բույվոլովը՝ մեկնաբանելով երեքշաբթի մոսկովյան բորսայում ամերիկյան արժույթի 90,3775 ռուբլու նշագծին հասնելը։

«Մեր գնահատականներով՝ այս տարի ռուբլին էապես չի ամրապնդվի ընթացիկ մակարդակից։ Հնարավոր է, որ դոլարը 90 ռուբլուց ցածր արժեքի հասնի նոյեմբերի վերջին մոտ՝ հարկային ժամանակաշրջանի լրացուցիչ աջակցությամբ: Հետագայում կարելի է ակնկալել դոլարի կայունացում 91-94 ռուբլու սահմաններում»,- նշել է փորձագետը։

Բույվոլովը հավելել է, որ եվրոյի փոխարժեքը կարող է տարին ավարտել 96-99 ռուբլու սահմաններում, յուանը 12,2-12,6 ռուբլու միջակայքում։ Երեքշաբթի օրը դոլարի փոխարժեքը 2023 թվականի հուլիսի 28-ից ի վեր առաջին անգամ իջել է 91 ռուբլուց: