Քննիչը և դատախազը միջնորդել են Լևոն Քոչարյանի կալանքը երկարաձգել 2 ամսով
ՀՀ երկրորդ նախագահ Ռոբերտ Քոչարյանի որդու` Լևոն Քոչարյանի կալանքը երկարաձգվել է 2 ամսով։ Այդ մասին տեղեկանում ենք Լևոն Քոչարյանի պաշտպան Ալեքսանդր Կոչուբաևի հայտարարությունից․
«Դատախազը և քննիչը միջնորդել են երկու ամսով երկարացնել Լևոն Քոչարյանի կալանքի ժամկետը»,- գրել է պաշտպանը։
Դատարանը մերժել է պաշտպանների ներկայացրած ինքնաբացարկի միջնորդությունը և երկրարացրել կալանքը։
Նշենք, որ Հանրապետության հրապարակում տեղի ունեցած բողոքի ակցիայի ժամանակ Լևոն Քոչարյանին բերման էին ենթարկել, ապա նա տեղափոխվել էր հիվանդանոց, որտեղից էլ նրան ձերբակալել էին: Փաստաբան Ալեքսանդր Կոչուբաևի հաղորդմամբ` ոստիկանները հաղորդում են ներկայացրել, որ Լ. Քոչարյանը 4 կարմիր բերետավորի է ծեծել:
