11 քաղաքացի վերակենդանացման բաժանմունքում է․ դեղորայքը դեռ բավականացնում է․ Ստեփանակերտի հիվանդանոցի տնօրեն
Արցախը մայր հայրենիքին կապող միակ ճանապարհը թշնամու կողմից փակ պահվելու ութերորդ օրն է։ Ճանապարհի փակ լինելը հումանիտար աղետի է վերածվել, խանութներում արդեն պարենի դեֆիցիտ է նկատվում, դիզվառելիք գրեթե չկա։ Հիվանդանոցներում էլ դեղորայքը սպառման եզրին է։
Այս պահին Ստեփանակերտի հիվանդանոցում իննսուն հիվանդ է բուժում ստանում, 11 հոգի վերակենդանացման բաժանմունքում է։
«Վերակենդանացման բաժանմունքում գտնվող քաղաքացիներին մեր միջոցներում կարողանում ենք սպասարկել, Հայաստան տեղափոխելու անհրաժեշտություն չկա, այստեղ ամեն ինչ ապահովում ենք»,- MediaHub.am-ի հետ զրույցում ասաց ԲԿ ղեկավար Մհեր Մուսայելյանը։
Հարցին, թե ի՞նչ վիճակում է քաղաքացին, որը սրտի բաց վիրահատության անհրաժեշտություն ուներ, Մուսայելյանը պատասխանեց՝ տանն է, սպասում է, որ ճանապարհը բացվի, կարողանան Երևան տեղափոխել։
«Այս պահին դեղորայքային բուժում է ստանում»,- ասաց Մուսայելյանը՝ հերքելով շրջանառվող լուրերը, թե հիվանդին տեղափոխում են Երևան։
Նարե Գնունի
