Առողջական ինչ խնդիրների մասին կարող են հուշել մղձավանջները
Ընդհանուր բժիշկ, Պիրոգովի անվան ռուսական ազգային հետազոտական բժշկական համալսարանի պոլիկլինիկական թերապիայի ամբիոնի ասիստենտ Վիկտոր Լունևը «Բժիշկ 24» հաղորդաշարում խոսել է գիշերային սովորական մղձավանջների պատճառների մասին: Դրանց թվում էին սթրեսը, չափից շատ ուտելը, ինչպես նաև որոշ հիվանդություններ։
Ըստ Լունևի՝ քնելուց առաջ ծանր սնունդ ուտելը մղձավանջների ամենատարածված պատճառն է։
«Մարսողական համակարգը պետք է հանգստանա քնի ժամանակ, և մենք նրան ստիպում ենք աշխատել և մարսել սնունդը, ինչը խթանում է ուղեղի կեղևը ներթափանցող իմպուլսները, ինչը մեծացնում է նրա ակտիվությունը», - ասում է բժիշկը «Մոսկվա 24»-ին:
Նաև, ըստ մասնագետի, կանոնավոր խռմփոցը կարող է մղձավանջներ առաջացնել։ Թթվածնի պակասի պատճառով մարմինը սկսում է սթրեսի ենթարկվել, ուղեղի ակտիվությունը մեծանում է, քնի փուլերի հերթափոխը խաթարվում է, ինչը կրկին կարող է մղձավանջներ առաջացնել։
Քեմբրիջի համալսարանի և Լոնդոնի թագավորական քոլեջի գիտնականները պարզել են, որ գայլախտի զարգացումը կամ ախտանշանների սրումը կանխատեսող ամենատարածված նշաններից է եղել մղձավանջների հաճախականության աճը։ Հետազոտությանը մասնակցած կամավորների մեկ երրորդը հայտնել են, որ սկսել են տհաճ երազներ տեսնել գայլախտի ի հայտ գալուց ավելի քան մեկ տարի առաջ։ Ընդհանուր առմամբ՝ գայլախտով հիվանդ հինգ բուժառուից երեքը և ռևմատոլոգիական այլ հիվանդություններով յուրաքանչյուր երրորդ բուժառուն հայտնել են վառ ու տհաճ մղձավանջների մասին։ Առավել հաճախ կամավորները երազում հարձակման էին ենթարկվում, տարատեսակ թակարդների մեջ էին հայտնվում կամ ընկնում։
Գիտնականները ենթադրում են, որ ստացված տվյալները կարելի է օգտագործել աուտոիմունային հիվանդությունների բուժման և կանխարգելման արդյունավետությունը բարձրացնելու համար: Այնուամենայնիվ, պատճառները, թե ինչու են նման ախտաբանություններին նախորդում մղձավանջները, դեռևս պարզ չեն։
