Մասնագետը նշել է՝ ինչպես կարելի է տարբերել միգրենը գլխացավի այլ տեսակներից
Ի տարբերություն գլխացավերի այլ տեսակների, միգրենն ավելի տարածված է դեռահասության և երիտասարդ հասուն տարիքում: Ի տարբերություն կլաստերային գլխացավի, միգրենն ավելի հաճախ հանդիպում է կանանց մոտ: Այս մասին MedicalXpress-ին ասել է Փենսիլվանիայի պետական համալսարանի բազմամասնագիտական բժշկական կենտրոնի՝ Penn State Health Medical Group-ի բժշկական տնօրեն, բժիշկ Ջոն Մեսմերը։ Բժիշկը բացատրեց, որ միգրենը սաստիկ, բաբախող գլխացավ է, որը կարող է պարբերաբար առաջանալ (երբեմն ամիսը մի քանի անգամ):
Միգրենը կարող է ուղեկցվել այն, ինչ կոչվում է աուրա, զգայական խանգարում, որը կարող է ներառել լույսի փայլատակումներ, կույր կետեր և տեսողության այլ փոփոխություններ: Միգրենը սովորաբար ազդում է գլխի մի կողմի վրա և կարող է տևել մի քանի օր: Ֆիզիկական ակտիվությունը սովորաբար վատացնում է այն: Բժիշկը հավելել է, որ միգրենը, ի տարբերություն այլ տեսակի գլխացավերի, դրսևորվում է երիտասարդ տարիքում։ Կլաստերային գլխացավը, որը նյարդաբանական խանգարում է, բնութագրվում է նաև գլխի մի կողմում կամ մեկ աչքի մոտ կրկնվող ուժեղ ցավով:
Ըստ Մեսսարի՝ ցավերի այս տեսակը, ի տարբերություն միգրենի, ավելի հաճախ հանդիպում է տղամարդկանց մոտ։ Դրանք առաջանում են եռաժանի նյարդի խանգարման պատճառով, որը ուղեղին տեղեկատվություն է փոխանցում դեմքի երեք գոտիների՝ ստորին ծնոտի, դիմածնոտային և ակնաբուժական գոտիների հպումների և սենսացիաների մասին: Միգրենի ճշգրիտ պատճառը անհայտ է: Այնուամենայնիվ, ալկոհոլի և որոշ մթերքների օգտագործումը, ինչպես նաև կանանց մոտ դաշտանային ցիկլի տարբեր փուլերում լինելը ամենատարածված հրահրիչներից են:
