Կուրսկի սահմանային գոտում ուկրաինական ուժերի երեք քառորդը գրեթե ամբողջությամբ շրջափակված է
Կուրսկի սահմանային գոտում ուկրաինական ուժերի երեք քառորդը գրեթե ամբողջությամբ շրջափակված է և բաժանված երկու մասի, գրել է «The Telegraph»-ը՝ հղում անելով ուկրաինական աղբյուրներին։
Դրանք միացված են մոտ 1 կմ երկարությամբ և 500 մ-ից պակաս լայնությամբ միջանցքով ամենացածր կետում։ Ուկրաինայի Զինված ուժերի կողմից վերահսկվող միակ ճանապարհը դեպի Սուձա ռուսական անօդաչու թռչող սարքերի հարձակման տակ է: Դա դժվարացնում է ուկրաինական ուժերի դիրքերը պահպանելը և նահանջելը։
«The Telegraph»-ը գրել է նաև, որ Ուկրաինայի զինված ուժերի 10 հազար զինվորներ կարող են հայտնվել Կուրսկի մարզում շրջապատված։
Կուրսկի մարզի Սուդժա շրջանում 10 հազար ուկրաինացի զինվոր կարող է շրջափակվել, գրում է The Telegraph-ը։
Ռուսական ստորաբաժանումները ճեղքել են պաշտպանական գիծը՝ ԱՄՆ-ի և Կիևի միջև հետախուզության փոխանակման դադարեցման ֆոնին։
Ուկրաինական կողմը դիտարկում է զորքերը Կուրսկի սահմանային շրջանից դուրս բերելու հնարավորությունը՝ կորուստներից խուսափելու համար, հրատարակությանը հայտնել է Ուկրաինայի զինված ուժերի կրտսեր սերժանտներից մեկը։
Ավելի վաղ «New York Post»-ը գրել էր, որ ուկրաինական զորքերը կարող են լքել Կուրսկի շրջանը երկու շաբաթվա ընթացքում։
Ռուսական հակաօդային պաշտպանության միջոցներն անցած գիշեր երկրի 4 մարզերում որսացել և ոչնչացրել են ուկրաինական 31 անօդաչու թռչող սարք․ 26-ը՝ Կրասնոդարի երկրամասի, 3-ը՝ Բրյանսկի մարզի և 1-ական՝ Լենինգրադի և Յարոսլավլի մարզերի տարածքներում, հայտնել է ՌԴ պաշտպանության նախարարությունը:
