Տղան ասել էր, թե ֆիզկուլտի ժամին ընկել է, բայց դանակահարել էին

Հոկտեմբերի 31-ին, ժամը 10.50-ին, ոստիկանության Նոր Նորքի բաժին ստացվել է հաղորդում, որ «նախաբազկի և գոտկային շրջանի կտրած, թափանցող վերքեր» ախտորոշմամբ «Արաբկիր» բժշկական կենտրոն է տեղափոխվել Արարատի մարզի Նորամարգ գյուղի բնակիչ, 15-ամյա պատանի:

Ոստիկանությունից հայտնում են, որ նա հայտնել էր, թե քոլեջում ֆիզկուլտուրայի դասի ժամանակ ընկել է:

Ոստիկանության Երևան քաղաքի վարչության և Նոր Նորքի բաժնի անչափահասների գործերով և ընտանիքում բռնության կանխարգելման ծառայությունների աշխատակիցների և Նոր Նորքի քրեական հետախույզների համատեղ ձեռնարկած միջոցառումների շնորհիվ պարզվել է, որ պատանուն վնասվածքը պատճառել է նույն քոլեջի 1-ին կուրսի ուսանող, 15-ամյա մի երևանցի: Դանակահարող պատանին ներկայացվել է նախաքննական մարմնին:

Նախաքննությամբ հանգամանքները պարզվում են: