Հարաբերությունները կարգավորելու համար Վրաստանը պետք է ճանաչի անկախությունը․ Աբխազիայի նորընտիր նախագահ
Աբխազիայի հետ հարաբերությունները կարգավորելու համար Վրաստանը պետք է ճանաչի վերջինիս անկախությունը, ՏԱՍՍ-ին տված հարցազրույցում ասել է Աբխազիայի նորընտիր նախագահ Բադրա Գունբան։
Ըստ նրա՝ «վաղ թե ուշ հարևանները պետք է ընդունեն իրականությունը»։ «Արմենպրես»-ի փոխանցմամբ՝ այս մասին
«Փոխգործակցության և վրաց-աբխազական փոխհարաբերությունների կարգավորման հարցերը կարող են լուծվել միայն Վրաստանի կողմից մեր երկրի անկախությունը ճանաչելու, ինչպես նաև ուժի չկիրառման վերաբերյալ հիմնարար փաստաթղթերի ստորագրման համատեքստում», - ասել է Գունբան:
«Մեր պետականության հետագա ճանաչման հարցը կարող է լուծվել նաև Ռուսաստանի Դաշնության հետ համագործակցության շրջանակներում, քանի որ հենց Ռուսաստանն է մեզ աջակցություն ցուցաբերում Աբխազիայի ճանաչման ընդլայնման հարցում, որի համար մենք երախտապարտ ենք», - ընդգծել է նա։
