Բժիշկ Զալյոտովան բացատրել է օրական մեկ կամ երկու խնձոր ուտելու անհրաժեշտությունը
Սննդաբան Տատյանա Զալյոտովան նշել է խնձոր ուտելու մի քանի կարևոր առողջարար առավելություններ: Բժիշկ Զալյոտովան բացատրել է օրական մեկ կամ երկու խնձոր ուտելու անհրաժեշտությունը։ Նա ասել է, որ այս միրգը պեկտինի հարուստ աղբյուր է, որն աղիների համար նախաբիոտիկ է գործում։
«Պեկտինի բավարար քանակի օգտագործումը կարող է բարելավել միկրոֆլորայի վիճակը։ Մարսողական համակարգի առողջությունը, իսկ վերջին գիտական տվյալների համաձայն՝ ամբողջ օրգանիզմի առողջությունը կապված է աղիքային միկրոֆլորայի հետ»,- aif.ru-ի հետ զրույցում կիսվել է մասնագետը։
Տատյանա Զալետովան հավելել է, որ խնձորի մեջ պարունակվող մանրաթելի շնորհիվ խթանվում է աղիների շարժունակությունը, ինչը կանխում է փորկապությունը։ Բացի այդ, ամենօրյա սննդակարգում բջջանյութի առկայությունը բարելավում է օրգանիզմի պաշտպանությունը սրտանոթային հիվանդություններից, գիրությունից, շաքարախտից և քաղցկեղից: Մարմնի համար պոտենցիալ վտանգավոր բաղադրիչները կլանելու ունակության շնորհիվ իմունային համակարգի աշխատանքը կարող է բարելավվել:
«Բջջանյութի նորմալ օգտագործումը պահպանում է նորմալ միկրոֆլորայի հավասարակշռությունը, որն օգնում է կանխարգելել կամ բարելավել աղիների բորբոքային հիվանդությունների ընթացքը»,- ասել է փորձագետը։
Սննդաբանը հավելել է, որ խնձորը պարունակում է նաև պոլիֆենոլներ՝ հակաօքսիդանտներ, որոնք չեն արտադրվում մարդու օրգանիզմի կողմից։ Մասնագետի խոսքով՝ սննդից օգտագործվող պոլիֆենոլների ավելացմանը զուգընթաց բարելավվում է օրգանիզմի՝ առողջությանը սպառնացող բազմաթիվ բացասական բնապահպանական երևույթներին դիմակայելու ունակությունը, օրինակ՝ քայքայվող մթերքների ազդեցությունը կամ օգտագործվող անառողջ սնունդը։
